Download lagu Sa Stop Mabok oleh Kharis Sopan Mp3

Lirik Lagu

Stop Mabok !

Sa janji trakan mabuk-mabuk lagi

Tolong ko percaya satu kali

Jarang-jarang sa niat begini

Serius sama koi oke baby

Sa kawan kasihan

Jang ajak sa lagi

Sa maetua su marah-marah

Nanti sa masuk kali ...

KKBALL :

Berawal dari crita yang kemarin

Ko rancang habis sa pake gaya stelan mandarin

Ko tangkap basah pas mata su warna merah

Mo menyangkal juga tapi sa su tra bisa

Dapat seret pulang auto jadi orang belakang

Mata kaca minta maaf janji sa trakan ulang

Sa pu niat baik mungkin ini yang terbaik

Sa maetua lebih baik wangi wiro tra menarik

Rendi :

Ini su tra bisa lagi

Bakat yang dulu sa jauhi tra bisa jalani

Jangan salah sangka kawan bukan mo hindari

Tra bisa pegang gelas itu sa sudah janji

Dan sekarang kawan kam stop ajak-ajak sa lagi nih

Oke kawan kam dengar

Kode jarak jauh angkat gelas kam jang antar

Sa tra bisa lagi mo melawan atau langgar

Bukannya takut tapi sa maetua ancam awas dapat bakar

Angga :

Pegang sa pu janji Honey ko satu kali

Sa trakan ingkari karna ko itu sa baby

Baku rangkul cinta sa pikul

Ko pu foto ada di sa sampul

Yokee

Cuma untuk ko sa kawan kasihan to

Stop ajak sa mabok mo

Karna sa maetua lebih ganas dari singa-singa

Jang ada mau pele itu bisa nanti ko terjun basah

Iphul J :

Sa su janji deng maetua trakan mabuk lagi kawan

Sorry tra bisa karna sa tramau untuk melawan

Oh shit banyak skali ajakan

Maaf kawan sa trakan mau lagi melanggar

Skarang juga su 2021

Kalau sa langgar mungkin tra bisa bersatu

Bah kawan sa maetua orang salah

Kalau sa langgar dapat tampar sampe kena pagar

Rinno :

Su dapat tegur ulang-ulang masih saja sa ulang

Kena telfon tiap menit sa wajib harus pulang

Terpaksa pamit di kawan sa tra bisa lanjutkan

Su pensiun dari botol ah harus lakukan

Tanggung resiko kalau nanti sa mabuk-mabuk lagi

Jadi skarang sa hindari daripada masuk kali

Pele tobat sudah sebelum nanti di kebiri

Kalau sa langgar nanti gagang kuning masuk rusuk kiri

Yoris :

Wee kawan sudah ajakan itu skip dulu

Sa su janji di maetua trakan sentuh botol itu

Langgar jangan apalagi mau lawan

Bandar dua satu juga itu trakan mempan

Bukan takut kah Cuma mungkin sa harus hindari

Kam salah kah kode kasih naik satu kali

Tolong kawan stop sudah ajakan miras

Sa takut nanti singa bangun de teriak keras